विंचूर येथे क्रांतीसूर्य महात्मा ज्योतिबा फुले यांना विनम्र अभिवादन
न्यायभूमी न्यूज संस्थापक अभय पाटील,मुख्य संपादक दत्तात्रय दरेकर
न्यायभूमी
विंचूर (नाशिक):दि.१२ एप्रिल सुनील क्षिरसागर
क्रांतीसूर्य महात्मा ज्योतिबा फुले यांच्या जयंतीनिमित्त विंचूर येथील सावता महाराज मंदिरात अभिवादनाचा कार्यक्रम उत्साहात संपन्न झाला.
आधुनिक भारताचे थोर समाजसुधारक महात्मा फुले यांच्या ऐतिहासिक कार्याचा गौरव करत, त्यांच्या प्रतिमेला पुष्पहार अर्पण करून मान्यवरांनी विनम्र अभिवादन केले.
यावेळी उपस्थितांना मार्गदर्शन करताना सरपंच सचिन दरेकर म्हणाले की, “महात्मा फुले यांनी शिक्षण, समता आणि सामाजिक न्यायासाठी आपले आयुष्य वेचले.त्यांनी पेटवलेली ज्ञानाची ज्योत आज घराघरात पोहोचली आहे.
त्यांच्या क्रांतीकारी विचारांचा समाजाने केवळ आदरच करू नये, तर ते विचार प्रत्यक्ष जीवनात अंगीकारणे हीच त्यांना खरी श्रद्धांजली ठरेल.“
इतर मान्यवरांनीही आपल्या मनोगतातून महात्मा फुले यांच्या कार्याचा आढावा घेतला. आजच्या आधुनिक काळातही त्यांचे विचार समाजाला दिशा देणारे आणि प्रेरणादायी असल्याचे यावेळी नमूद करण्यात आले.
अभिवादन प्रसंगी उपस्थित मान्यवर:
या कार्यक्रमाला विंचूरचे सरपंच सचिन दरेकर यांच्यासह खालील मान्यवर उपस्थित होते महेंद्र पुंड (माजी ग्रामपालिका सदस्य),शिवाजी शेलार,सुधाकर जाधव, सुनील ताजणे,रमेश शेलार,नितीन गायकवाड,सतिष शेलार,भुषण रांधव,कैलास राऊत,संतोष राऊत,बंडु जाधव, सागर गलांडे, प्रमोद राऊत आणि इतर ग्रामस्थ.
यावेळी मोठ्या संख्येने नागरिक उपस्थित होते, सर्वांनी महात्मा फुले यांच्या स्मृतींना उजाळा देत अभिवादन केले.
