हनुमान नगरचा सुपुत्र ऋषिकेश देवकरची ‘महाराष्ट्र सुरक्षा दलात’ (MSF) निवड; ग्रामस्थांकडून जंगी सत्कार
न्यायभूमी न्यूज संस्थापक अभय पाटील,मुख्य संपादक दत्तात्रय दरेकर
न्यायभूमी
हनुमान नगर (नाशिक ) दि.११ एप्रिल सुनील शिरसागर
हनुमान नगर येथील तरुण पिढीच्या कष्टाचे आणि जिद्दीचे फळ आज हनुमान नगर गावाला पाहायला मिळाले आहे.
येथील रहिवासी नामदेव माधव देवकर यांचे चिरंजीव कु. ऋषिकेश नामदेव देवकर याची महाराष्ट्र सुरक्षा रक्षक दलात (MSF) निवड झाल्याबद्दल संपूर्ण परिसरात आनंदाचे वातावरण आहे. ऋषिकेशच्या या यशाबद्दल हनुमान नगर ग्रामस्थांच्या वतीने त्याचा विशेष गौरव व सत्कार करण्यात आला.
ऋषिकेशने अत्यंत कठीण परिस्थितीत सातत्यपूर्ण सराव आणि मेहनतीच्या जोरावर हे यश संपादन केले आहे.त्याच्या या निवडीमुळे गावाच्या शिरपेचात मानाचा तुरा रोवला गेला आहे.
या सत्कार समारंभाप्रसंगी गावातील ज्येष्ठ नागरिक, तरुण मंडळी आणि मोठ्या संख्येने ग्रामस्थ उपस्थित होते.
सर्वत्र कौतुकाचा वर्षाव सत्कार प्रसंगी बोलताना ग्रामस्थांनी ऋषिकेशच्या जिद्दीचे कौतुक केले आणि तो गावातील इतर तरुणांसाठी प्रेरणास्थान असल्याचे सांगितले.
या कार्यक्रमाला ऋषिकेशचा संपूर्ण मित्र परिवार आणि नातेवाईक मोठ्या संख्येने उपस्थित होते. सर्वांनी त्याला पुढील वाटचालीस शुभेच्छा दिल्या.
आपल्या यशाचे श्रेय ऋषिकेशने आपल्या आई-वडिलांना आणि मार्गदर्शकांना दिले आहे.
