लासलगाव सहाय्यक पोलीस निरीक्षक भास्करराव शिंदे यांची पत्रकार सुनील क्षिरसागर यांच्या घरी गौरी-गणपती दर्शनासाठी सदिच्छा भेट
न्यायभूमी न्यूज
न्यायभूमी न्यूज
विचूर दि ०२ सप्टेंबर अभय पाटील
विंचूर शहरातील पत्रकार सुनील क्षिरसागर यांच्या घरी सुरु असलेल्या गौरी-गणपती उत्सवाच्या निमित्ताने लासलगाव पोलीस स्टेशनचे सहाय्यक पोलीस निरीक्षक भास्करराव शिंदे यांनी सदिच्छा भेट दिली.
यावेळी त्यांनी गौरी (महालक्ष्मी) व गणरायाचे दर्शन घेत क्षिरसागर कुटुंबीयांना उत्सवाच्या शुभेच्छा दिल्या.
या प्रसंगी एपीआय शिंदे यांनी नागरिकांनी गणेशोत्सव शांततेत,उत्साहात व सामाजिक ऐक्यासह साजरा करावा,असे आवाहन केले. तसेच पर्यावरणपूरक पद्धतीने उत्सव पार पाडण्यावर त्यांनी विशेष भर दिला.
पत्रकार सुनील क्षिरसागर यांनी पोलीस प्रशासन सतत समाजकार्याबरोबरच नागरिकांच्या सुख-दुःखातही सहभागी होत असल्याचे सांगून आभार मानले.
गणेशोत्सवाच्या पार्श्वभूमीवर झालेली ही सदिच्छा भेट स्नेह व भक्तीमय वातावरणात पार पडली.
यावेळी शिंदे साहेबांसोबत न्यायभूमी चे मुख्य संपादक अभय पाटील,डोंगरे दादा,सागर आरोटे,नाना गाडे उपस्थित होते.
