विंचूर विद्यालयात शिक्षक दिनानिमित्त गुरुजनांचा गौरवपूर्ण सन्मान
न्यायभूमी न्यूज विंचूर मुख्य संपादक दत्तात्रय दरेकर
न्यायभूमी
विंचूर दि ०५ सप्टेंबर
विंचूर येथील कर्मवीर भाऊराव पाटील विद्यालय व कला विज्ञान कनिष्ठ महाविद्यालयात ५ सप्टेंबर रोजी शिक्षक दिन अत्यंत उत्साहात आणि पारंपरिक पद्धतीने साजरा करण्यात आला.
या दिवशी विद्यालयातील शिक्षकांना त्यांच्या योगदानाबद्दल आदर व्यक्त करण्यासाठी अनोख्या पद्धतीने सन्मानित करण्यात आले.
या कार्यक्रमाचे अध्यक्षस्थान स्थानिक सल्लागार समितीचे अध्यक्ष जगदीश जेऊघाले यांनी भूषवले.
शिक्षकांच्या सन्मानासाठी आयोजित या कार्यक्रमाला शाळा व्यवस्थापन समिती, ग्रामपंचायत सदस्य, आणि विंचूर गावातील अनेक प्रतिष्ठित नागरिक मोठ्या संख्येने उपस्थित होते.
या सर्वांनी एकत्रितपणे सर्व शिक्षकांना फेटे बांधून आणि गुलाबपुष्प देऊन त्यांच्या कार्याबद्दल कृतज्ञता व्यक्त केली. या वेळी शिक्षकांबद्दलचा आदर आणि प्रेम स्पष्टपणे दिसून आले.
या कार्यक्रमात अनेक मान्यवर उपस्थित होते, ज्यात स्थानिक सल्लागार समितीचे उपाध्यक्ष कैलास सोनवणे,नानासाहेब जेऊघाले ,राजाभाऊ गोरे,सोमनाथ निकम,नानाभाऊ गाडे, दिनकर चव्हाण,जेऊघाले सर,जाधव ताई,राजाभाऊ दरेकर,पत्रकार दत्तात्रय दरेकर (न्यायभूमी न्यूज मुख्य संपादक),सुनील शिरसागर आणि इतर अनेक प्रमुख व्यक्तींचा समावेश होता.
विद्यालयाच्या प्राथमिक विभागाच्या मुख्याध्यापिका नीलिमा शिरसाठ, पर्यवेक्षक सुदामराव माळी, ज्युनिअर विभागाचे एच.ओ.डी.राजेंद्र टिळेकर,तसेच विद्यालयातील सर्व शिक्षक व शिक्षकेतर कर्मचारी,आणि विद्यार्थी मोठ्या संख्येने सहभागी झाले होते.
या प्रसंगी पी. के. जेऊघाले यांनी शिक्षक दिनाचे महत्त्व आणि शिक्षकांचे समाजातील योगदान याविषयी सविस्तर माहिती दिली.त्यांनी शिक्षकांचे आभार मानले.
विद्यालयाचे प्राचार्य नंदकुमार देवढे यांनी सर्व उपस्थितांनी केलेल्या या सन्मानाबद्दल कृतज्ञता व्यक्त केली.
कार्यक्रमाचे सूत्रसंचालन रयत शिक्षण संस्थेचे लाइफ मेंबर राजेंद्र चांदे यांनी केले.
हा कार्यक्रम विंचूर विद्यालयाच्या इतिहासातील एक अविस्मरणीय सोहळा ठरला. कार्यक्रमाच्या उत्तरार्धात,दहावीच्या विद्यार्थ्यांनी संपूर्ण दिवसभर अध्ययन-अध्यापनाचा कार्यभार सांभाळला.
या विद्यार्थ्यांपैकी श्रावणी गोराडेने मुख्याध्यापकाची,भाग्यश्री दरेकरने उपमुख्याध्यापकाची,आणि सिद्धी नेवगेने पर्यवेक्षकाची भूमिका यशस्वीपणे पार पाडली.
अखेरीस,सर्व विद्यार्थ्यांनी मिळून विद्यालयातील शिक्षकांचा सन्मान केला.
