डुबेरे विद्यालयात कर्मवीर गणपत दादा मोरे यांना अभिवादन
न्यायभूमी न्यूज संपादकीय विभाग
न्यायभूमी न्यूज
सिन्नर दि २० जुलै प्रतिनिधी सोमनाथ गिरी
मराठा विद्या प्रसारक समाज संस्था संचलीत डुबेरे येथील जनता माध्यमिक व उच्च माध्यमिक विद्यालयात मविप्र संस्थेचे आद्य संस्थापक कर्मवीर गणपत दादा मोरे यांची पुण्यतिथी साजरी करण्यात आली.
अध्यक्षांनी विद्यालयाचे मुख्याध्यापक रंगनाथ उगले होते.
व्यासपीठावर पर्यवेक्षक उल्हास पवार , पी.आर.करपे,सोमनाथ पगार,सोमनाथ गिरी, रेखा खंडीझोड,वरिष्ठ लिपिक राणी शिंदे,रोहिणी भगत,सुनील ससाणे,डी.ए.रबडे,कचेश्वर शिंदे आदी उपस्थित होते.
उपस्थितांच्या हस्ते कर्मवीर मोरे यांच्या प्रतिमेचे पूजन करण्यात आले.
तनुजा कडभाने,संस्कृती वाजे,श्रावणी माळी,अक्षदा वाजे,प्रतिज्ञा जगधने या विद्यार्थिनीनी कर्मवीर मोरे यांच्या कार्याची ओळख करून दिली.
यावेळी बोलताना मुख्याध्यापक उगले म्हणाले की ,मविप्र संस्थेचे आश्रयदाते तसेच आद्य संस्थापक सत्यशोधक कर्मवीर मोरे यांनी गोरगरीब जनतेची,समाजाची व मविप्र संस्थेची अहोरात्र सेवा केली.
समाजातील अंधश्रद्धा दूर करण्यासाठी त्यांनी प्रयत्न केले.तसेच उगले यांनी त्यांच्या शैक्षणिक व सामाजिक कार्याचा परिचय करून दिला.
वर्गशिक्षिका विनिता देवरे व जयश्री गोहाड मार्गदर्शनाखाली इयत्ता- १० वी तु-ब च्या वर्गाने कार्यक्रमाचे नियोजन व आयोजन केले.
कार्यक्रमाचे सूत्रसंचालन कुमारी सानिका ढोली हिने केले तर आभार प्रदर्शन कार्तिकी कडभाने केले.
यावेळी शिक्षक ,शिक्षकेतर सेवक व विद्यार्थी उपस्थित होते.
