आधुनिक नवदुर्गा:साडेतीन शक्तिपीठांचा अनोखा भक्ती प्रवास संकलन: सौ.मेघा चौधरी
न्यायभूमी न्यूज संस्थापक अभय पाटील,मुख्य संपादक दत्तात्रय दरेकर
न्यायभूमी
नासिक दि.१८ जानेवारी
मराठी संस्कृतीत साडेतीन शक्तिपीठांना अनन्यसाधारण महत्त्व आहे.देवीची ही रूपं म्हणजे चैतन्याचा स्रोत. मुंबईसारख्या धावपळीच्या शहरात राहूनही,आपल्या संस्कृतीशी नाळ जोडून ठेवणाऱ्या आणि भक्तीचा एक नवा आदर्श निर्माण करणाऱ्या ‘आधुनिक नवदुर्गांचा’ हा प्रवास थक्क करणारा आहे.
मागील तीन वर्षांपासून एक संकल्प करून,तो पूर्णत्वास नेण्याचा ध्यास या सखींनी घेतला होता.हा प्रवास केवळ पर्यटन नव्हता,तर तो होता परंपरेचा सन्मान आणि स्त्री-शक्तीचा जागर.
श्रद्धेची पावले आणि शिस्तबद्ध नियोजन
या प्रवासाचे सर्वात मोठे वैशिष्ट्य म्हणजे या सखींची एकसारखी वेशभूषा.जेव्हा सर्व जणी एकाच रंगाच्या आणि धाटणीच्या वेशभूषेत शक्तिपीठांच्या दारी उभ्या राहिल्या, तेव्हा तो केवळ बाह्य पेहराव नव्हता,तर त्यांच्यातील एकजूट आणि समान ध्येयाचे ते प्रतीक होते.
साडेतीन शक्तिपीठांची वारी:
१. तुळजापूर (आई भवानी): प्रवासाची सुरुवात झाली ती कुलस्वामिनीच्या आशीर्वादाने.मकर संक्रांतीचे वाण देताना परंपरेचा वारसा जपला गेला.
२.कोल्हापूर (अंबाबाई): करवीर निवासिनीच्या चरणी नतमस्तक होत, शास्त्राप्रमाणे पूजा अर्चा करून सखींनी भक्तीचा आनंद लुटला.
३.माहूर (रेणुका माता): गडाची चढण चढताना श्रद्धेची जोड होती,त्यामुळे प्रवासाचा थकवा जाणवला नाही.
४. सप्तशृंगी गड (वणी): यावर्षी साडेतीन शक्तिपीठांपैकी अर्धपीठ मानल्या जाणाऱ्या वणीच्या गडावर जाऊन या उपक्रमाची सांगता झाली.
संस्कृती आणि परंपरेचे जतन
मकर संक्रांत म्हणजे सुवासिनींसाठी सौभाग्याचा सण.या काळात ज्या शक्तिपीठावर ज्या वाणाचे महत्त्व आहे.
अगदी शास्त्रोक्त पद्धतीने ते वाण देऊन या सखींनी हिंदू संस्कृतीचे दर्शन घडवले. “आधुनिक काळातही आपण आपली मुळे विसरलो नाही,” हाच संदेश या उपक्रमातून मिळतो.
“भक्ती जेव्हा शिस्तीची आणि सामूहिक प्रयत्नांची जोड घेते,तेव्हा ती अधिक प्रगल्भ होते.”
सौ.मेघा चौधरी आणि त्यांच्या सर्व सखींनी जयश्री गंदेवार,डॉ सुचिता डुब्बेवार,सुनीता मुत्तेपवार,प्रतिमा मुत्तेपवार,मनिषा कन्नावार,प्राची कवटीकवार,विजया रेवणवार,दया बिडवई, संगीता बोकीलवार पूर्ण केलेला हा प्रवास इतर महिलांसाठी एक उत्तम उदाहरण आहे.
सण-उत्सव केवळ आनंद घेण्यासाठी नसून,ते आपल्या संस्कृतीला पुढच्या पिढीपर्यंत पोहोचवण्याचे माध्यम आहेत,हेच या ‘आधुनिक नवदुर्गांनी’ सिद्ध केले आहे.
