न्यायभूमी
लासलगाव दि ११ सप्टेंबर निशिकांत पानसरे
लासलगाव डॉक्टर्स असोसिएशनतर्फे यंदा गणेशोत्सव “नो प्लास्टिक गणेश संकल्प” उपक्रमातून साजरा करण्यात आला.
ढोल-ताशाच्या गजरात या उपक्रमाची सुरुवात करत असोसिएशनने समाजाला पर्यावरणपूरकतेचा आणि निरोगी जीवनशैलीचा संदेश दिला.
या वेळी डॉक्टर असोसिएशनच्या सदस्यांनी स्वच्छता व पर्यावरण रक्षणाची शपथ घेतली. नागरिकांना कापडी पिशव्या व रोपे भेट देऊन प्लास्टिक मुक्त जीवन जगण्याचे आवाहन करण्यात आले.
असोसिएशनचे अध्यक्ष डॉ.स्वप्नील जैन म्हणाले, “प्लास्टिकचा वापर कमी करणे केवळ पर्यावरणच नव्हे तर आपल्या शरीराचे आरोग्य जपणे होय.प्लास्टिकमुळे निर्माण होणारे प्रदूषण हे फुफ्फुस व श्वसनाच्या आजारांना कारणीभूत ठरते.
तसेच हवेतील प्रदूषण कमी केल्यास हृदयविकार व उच्च रक्तदाब यांसारख्या आजारांचे प्रमाण घटते.”
या उपक्रमातून लासलगाव डॉक्टर्स असोसिएशनने समाजाला आरोग्य आणि पर्यावरण या दोन्हींचे महत्त्व पटवून दिले.
या प्रसंगी असोसिएशनचे अध्यक्ष डॉ.स्वप्नील जैन,सहाय्यक पोलीस निरीक्षक भास्कर शिंदे, ज्येष्ठ सदस्य डॉ.सुबोध पटणी,डॉ.सुरेश दरेकर, डॉ.कैलास पाटील,डॉ.संगीता सुरसे,डॉ.संजय पलोड,डॉ.मनीषा पलोड,डॉ.घनघाव सर व मॅडम, डॉ.अमित धांडे व सौ.धांडे मॅडम,डॉ.अमोल गायकर,डॉ.विलास कांगणे,डॉ.प्रतिभा घायाळ, डॉ.विकास चांदर,डॉ.प्रताप पवार व सौ.पवार मॅडम,डॉ.रोहिणी गांगुर्डे व असोसिएशनचे सदस्य उपस्थित होते.
