लासलगाव महाविद्यालयाच्या रा.से.यो. च्या विशेष श्रमसंस्कार शिबिरात पेपर मॉडेल सादरीकरण
न्यायभूमी न्यूज संपादकीय विभाग
न्यायभूमी न्यूज
लासलगाव दि २७ डिसेंबर अभय पाटील
लासलगाव येथील राष्ट्रीय सेवा योजना विभागाचे विशेष श्रमसंस्कार शिबिर नूतन विद्या प्रसारक मंडळ संस्थेचे जनरल सेक्रेटरी मा.गोविंदरावजी होळकर, महाविद्यालयाचे प्राचार्य डॉ.आदिनाथ मोरे यांच्या मार्गदर्शनाखाली जिल्हा परिषद शाळा वाकी (खुर्द) या ठिकाणी आयोजित करण्यात आलेले आहे.
शिबिराच्या चौथ्या दिवशी रा.से.यो.स्वयंसेवकांनी पेपर मॉडेल सादरीकरण केले. पेपर मॉडेल तयार करण्यासाठी स्वयंसेवकांना वेगवेगळ्या विषयांवर थीम देण्यात आलेली होती.
त्या थीमवर आधारित स्वयंसेवकांनी वर्तमानपत्राच्या आधारे पेपर मॉडेल सादरीकरण केले. पेपर मॉडेल सादरीकरण करण्यासाठी क्रीडा संचालक डॉ.नारायण जाधव, प्रा.गणेश जाधव यांचे मार्गदर्शन लाभले तसेच पेपर मॉडेल चे परीक्षण करण्यासाठी मनमाड महाविद्यालयाचे प्राचार्य डॉ.दत्तात्रय गव्हाणे, लासलगाव महाविद्यालयाचे प्राचार्य डॉ.आदिनाथ मोरे, उपप्राचार्य डॉ.सोमनाथ आरोटे, चांदवड महाविद्यालयाचे रा.से.यो.कार्यक्रमाधिकारी प्रा.गोंविद गांगुर्डे, प्रा.निरंजन गायकवाड, प्रा.गुरुदेव गांगुर्डे, प्रा.उज्वल शेलार, प्रा.महेश होळकर, अरुण देवढे सर, प्रा.मारोती कंधारे,रा.से.यो. कार्यक्रमाधिकारी डॉ.प्रदीप सोनवणे, डॉ.संजय शिंदे, डॉ.उज्वला शेळके, प्रा.सुनिल गायकर, प्रा.देवेंद्र भांडे, प्रा.श्रेया जगताप, प्रा.प्रतीक्षा आहेर तसेच रा.से.यो. स्वयंसेवक इत्यादी उपस्थित होते.
